Monthly Archives: October 2008

母后也忍不了我的長頭髮，所以昨天母后就帶我去髮型屋剪頭髮。我一見到髮型師就已經喊了，當他拿出剪刀同我剪頭髮時，就喊得更大聲。最後，婆婆、母后和髮型師也站起來幫我切頭髮，只用了五分鐘，就完成我的新髮型。我估大家也怕咗我，尤其是髮型師。

嫲嫲話我前面的頭髮太長，所以幫我紮了一條噴水池。當父皇母后第一眼看見我的時候，差點笑死。對我個人來說，都幾好睇。  

  今日，父皇母后一起放假陪我去玩，所以我哋又去迪士尼。近日，我講多咗好多嘢，包括迪士尼人物名稱，今日就趁機會測試吓我自己先認唔認得先。一去到就見到阿鼠（米奇老鼠），雖然他的服飾改變了，但我都認得他仲叫佢個名。之後父皇自己一個人去咗玩過山車和馳車，我就同母后去玩水，我一邊行，一邊同D工作人員打招呼，又飛吻，又送上親切的笑容，所以D哥哥姐姐俾咗好多貼紙我。後來，我哋去咗影相個花園，我識得米奇、米妮、阿Pooh同唐老鴨，我自己就揀咗同阿Pooh影相，我仲叫佢添。

昨日，我們準備出街，我就幫父皇帶鞋，對鞋都幾重，拿到父皇面對說：「試吓啦！」接著，我又幫母后拿鞋，她說：「媽媽著鞋。」「試吓啦！」父皇問我：「你係咪賣鞋嫁？」母后笑倒講唔到嘢。

不知是否涼了，所以琳琳就傷風，不停地流鼻涕，一兩分鍾就流一次鼻涕。病了就要看醫生，當然要吃藥。我不肯吃藥，要眾人出馬一起夾住我，我一邊吃一邊叫，一邊叫一邊喊，又一邊噴藥。昨晚，我睡得不太好三點醒咗，婆婆就照顧我，我玩到四點幾，都唔想瞓。最後母后接咗我到大床，與父皇一起睡。全晚，我踢咗父皇個頭好多腳。

學會了講「謝謝」之後，母后就教我講「唔該」，唔知點解後來我就講成「唔該晒」。有一次同婆婆去飲茶，正當姨婆拿出信用咭出來時，我搶著要，並向待應姨姨說：「唔該晒」差D笑死婆婆。近兩日，成日同母后講：「返學呀！」「林姨姨」，母后現在才知道，原來我是這麼喜歡返學。

自從父皇和母后知道皇弟將在三月初出世後, 大家心情都非常愉快.。這天我們更去了御花園遊玩，吸收新鮮空氣， 有牛車坐、有羊咩咩睇、有魚餵、仲有天氣咁熱仲燒嘢食。 我們遊玩了兩個多小時便離開了!